小編期待已久既GRANBLUE FANTASY第四彈眼鏡系列終於趕得切係今年開訂，實在太令人感動啦！不過最令小編喜出望外既反而係今次既角色選擇，因為小編真係發夢都估唔到官方竟然會重出路西法，而且唔係重推舊款，而係為路西法重新設計一個新款！兩個款式各有特色之餘又同5可以保留到路西法既特徵同氣質，真係要講返句：葉師傅，唔係咁易架。
另一個款式別西卜型號就散發住陣陣既反叛味道，黑金配色加上骹位上既衣飾特徵，襯冬天造型可以話係無得輸！
兩款同樣附有系列專屬眼鏡盒同角色插畫眼鏡布，預訂特典會額外再送鏡面襟章同A5 size Clear File，對兩位魅力男角有愛既一定要收啦。
